@One_Life_to_live40

Life

حالة Giardia تستحق التصفيق :)

قبل ما اقول الحالة دى ..هى صعب تكاد تصل الى المستحيل انك تشوفها وممكن تكون بتيجى كل كام مليون واحد ومتسجل منها حالات قليلة فى العالم كله علي NCBI و غيرهم بس هي فعلا حصلت عندنا.
-طب الغرض من عرضها ايه تفتكر.
-هل هو تعليمى بالمقام الاول.
-فى جزء منه تعليمى اكيد بس الجزء الاكبر عودة الثقة بين الاطباء والناس والتاكيد على انه فيه اطباء واستشاريين عندنا محل ثقة كبيرة ومطلعين على احدث التوصيات العالمية فى كل المجالات اللى بتساعد الاف المرضى وجب التنويه قبل الحالة اقرا للاخر البوست طويل فحت بس غير تقليدى بالمرة وفى مفاجاة مدوية فى اخره واقسم بالله حصل فى مصر.
-طفلة 6سنين فى اولى ابتدائى بقالها فترة عندها اسهال بس مش كتير 4 او 5 مرات فى اليوم وكميته مش كبيرة بس ريحته وحشة حاجة مش مخيفة يعنى .
-بس البنت شهيتها مسدودة ونفسها غامة عليها ورجعت مرتين او ثلاثة وعندها تقلصات فى البطن.
-فى الاول الام شافت الاسهال مش كتير راحت الصيدلية من غير كشف دكتور ولا حاجة والدكتور الصيدلى اداها انتينال واكياس لاكتيول فورت لما كانت موجودة واداها كمان فيتامين وفاتج شهية بس قالها بعد الاسهال مايخف لان البنت شكلها اكلتها ضعيفة.
-الست روحت وبدات العلاج ومافيش مشاكل الاسهال قل فى الاول يومين او ثلاثة.
-فبدات الفيتامين وفاتح الشهية بس ماحستش بااى تاثير لهم برضه الشهية مسدودة.
-الموضوع دخل فى اسبوعين والام ملاحظة ان البنت بتخس الى حد ما.
-راحت لدكتور الرجل اتصرف صح وبدا يسالها عن حاجات زى فى زيادة تبول ولا لا طيب فى شرب مياه كتير ولا لا وخسسان وزن ولا لا.
-الام نفت دا كله ما عدا ان وزنها اقل من الاول بس مش فرق كبير اوى وعلى الرغم من كدا زيادة فى الامان طلب تحليل سكر وصورة دم وبول وبراز.
-السكر طلع طبيعى.
-صورة الدم الهيموجلوبين اقل من الطبيعى شوية بس normocytic normochromic.
-البول طبيعى.
-البراز فيه عصر هضم فقط .
-الدكتور طمن الام الوضع كويس وممكن بس يكون فيه عسر هضم هو اللى ماخلى وزنها مابيزيدش والاسهال فسره انه بداية نزلة معوية فيروسية ممكن يكون كان عندها دور برد بس مش اكثر ومصحوب بنزلة فيروسية بسيطة فى اولها ودا صعب يبان فى تحليل البراز العادى وكعادة اى ام مصرية سالها هى بتسخن ولا لا..ردت الرد بتاع العصاية من النص احيانا بتدفى بالليل فالرجل زادت ثقته وقاله يبقى هو كدا.
-كتبلها نيتازود شراب nitazode بجرعة 7.5 مجم كل 12 ساعة يعنى ثلاث اربع الوزن متقسم على 12 ساعة يعنى هى كانت 14كيلو قالها ادى 5سم مرتين يوميا لمدة 3 ايام واستمرى على اكياس اللاكتيول فورت كيس مرتين برضه مع زينك اورجين شراب 5سم يوميا لمدة اسبوعين عشان يقلل عدد مرات الاسهال فيما بعد ويجدد خلايا الامعاء وزود كمان ديجينورم شراب لعسر الهضم 5سم 3 مرات بعد الاكل.
-الام جابت العلاج وبدات فيه ومع الوقت البنت اتحسنت وبدات الشهية ترجع تانى.
-بس بعد اسبوع رجع الاسهال الرخم اللى هو كميته مش كبيرة 4 او 5 مرات مع غممان نفس وضعف شهية.
-فى الاستشارة الدكتور قال للام ماعلش دا طبيعى فى سنها وطالما كمية الاسهال مش كبيرة ومش مزعجة خلاص مش محتاجين ندخل فى سكة تحاليل الاسهال المزمن .
-وعشان يحتاط اكثر قالها خليها تبطل اكل بره ولو استمرت كدا اعملها تحليل بكتيريا حلزونية بقت منتشرة جدا بسبب اكل الشارع وممكن تيجى بااسهال او امساك مع الم متكرر فى البطن وغممان نفس.
-الست عشان ماتحسش بتقصير عملته وطلع سلبى.
-الست نسيت الموضوع خلاص .
-بعد كام يوم البنت جالها حاجة مختلفة بدات عينها تحمر وتعيط من وجع فيها .

...

-راحت لدكتور الرمد قالها دا التهاب فى العين عادى وكتبلها قطرات مضاد حيوى ومرهم وغسول للعين وقالها خليها ماتدعكش عينها.
-البنت مااتحسنتش خالص وبالعكس بدات تصدع وعينها تزغلل.
-لدرجة انها مابقتش شايفة كويس والمدرسة بتاعتها لاحظت ونقلتها فى اول بنش فى الفصل وطلبت استدعاء ولى امر لان البنت مستواها اتاثر واحمرار عينها مابيخفش فخافت تكون عدوى تنقلها لبقية الفصل.
-الام راحت لدكتور رمد اكبر .
-فحصها كويس وقال للام عندها التهاب شديد فى ال iris او الجسم الهدبى irridocyclitis وهو مستغرب جالها منين دا لانه واقع فى الطبقة اللى بين القرنية وبياض العين والشبكية ومش معتاد اوى فى السن دا.
-قالها عموما هنزود قطرات كورتيزون ونشوف .
-فعلا زود القطرات الغالية والقوية دى والام جابتها .
-مافيش اى اثر يزكر بالعكس النظر بيضعف والبنت خايفة تفتح عينها فى الشمس.
-الام قالت ما بدهاش خدت البنت وطلعت على مستشفى الاطفال الجامعى وراحت الاستقبال.
-وحكت الحكاية..النايب هناك ماكنش معتاد يحجز حالة شكوتها رمد فى مستشفى اطفال بس اصرار الام ودموعها كلم الاستاف المسئول ووافقت انها تتحجز ويعملوها اشارة رمد يستدعوا نايب الرمد يكشف عليها عندهم.
-وفى نفس الوقت يقوموا بشغلهم ويستبعدوا بعض الامراض المناعية والعدوى اللى ممكن تسبب كدا واهمها امراض الروماتيزم والامراض الموثرة على اجهزة متعددة فى الجسم systemic disease والاورام.
-بداوا يخططوا ل work up قوى البنت نظرها بيروح دوروا على زئبة حمرا SLE والتهابات العظام التابعة للاسهال REACTIVE arthiritis وممكن يجى معاها تاثير فى العين ومرض kawasaki وبعض امراض الرئة اللى بتوثر على حاجات متعددة زى السل T.B وال sarcoidosis وبعض الفيروسات زى ال herpes وداء القطط toxoplasma.
-وسعوا الدايرة الموضوع مستاهل والحالة محيرة والمقابل بنت هتفقد بصرها.
-وفى نفس الوقت حجزوا فحص قاع عين و اشعة مقطعية على العين لاستبعاد الاورام.
-كله طلع طبيعى التحاليل والاشعات ماعدا فحص قاع العين.
-وضع التهاب شديد فى الجسم الهدبى الفاضل بين القرنية من جهة والشبكية من جهة مع وجود تليفات قوية فى الشبكية وبدايات نزيف وصورة مميزة بطش بنى فى الشبكية.
-بتوع الرمد ماكنش عندهم تفسير مقنع.
-بس قالوا هنستمر على قطرات العين وهنبدا علاج كورتيزون وريدى بجرعة مكثفة pulse steroid متبوع بجرعات من العلاج بالفم .
-ولمحوا لامكانية انه يكون مرض مناعى وممكن يحتاجوا methotrexate او rituximab ودول من مثبطات المناعة القوية.
-البنت نظرها بدا يقل ل hand movement شبه عمى.
-بداوا ال methyl prednisolone اللى هو solumedrol على 30مجم لكل كيلو 3 ايام وبداوا يستعدوا يجيبوا mabthera ودا دواء ال rituximab من اقوى مثبطات المناعة anti CD20 ودا محتاج ميزانية لوحده بس ربنا يكرمهم بالتبرعات قدروا يوفروه.
-فى الوقت دا كانت بتمر استشارية عصبية الاطفال المتميزة ped neurology اخدوا رايها فى الحالة.
-قرات تحاليل والاشاعات حتة حتة ومسكت فحص قاع العين وعينها لمعت.
-اعمل تحليل براز يابنى .
-وبلغنى بالنتيجة بالتليفون اول ماتطلع.
-النايب قاعد يتمتم فى سره يعنى هو تحليل البراز اللى هيجيب التايهة .
-حاضر ياافندم وهو فى سره تحليل براز ايه ونيلة ايه.
-عمله طلع سلبى ابتسم بسخرية طب هابلغك ياستى.
-كلمها قالتلة عيده كل 3 ايام ولما تطلع حاجة قولى.
-البنت ابتدت على كورتيزون اقراص 2مجم لكل كيلو من الهوستاكورتين.
-وبقت شبه عمياء.
-النايب بقى يعيد التحليل من باب انه خايف حد ينتقده وهو مش مقتنع.

...

-التحليل رقم 3 طلع فيه giardia lamblia وايه يعنى بس قال هيبلغها.
-فيه giardia ياافندم بس اكيد مش وقتها يعنى مش هتفرق العلاج.
-طبعا ال giardia ياابنى مابتطلعش مع اول تحليل عشان كدا قولتلك عيده ابدالها metronidazole على 25مجم لكل كيلو فى اليوم اسبوعين يعنى flagellate forte يجرعة 0.2سم لكل كيلو فى المرة 3 مرات يعنى حوالى 3سم 3مرات على وزنها.
-النايب بيتمتم فى سره حاضر وهو بيقول يعنى احنا بنجهز ال mabthera والفلاجيل هو اللى هيفرق.
-بدا الفلاجيل فعلا وبعد 5 ايام بدا نظر البنت يتحسن بعنف بعد عشر ايام بقى نظرها كويس اوى وبعد انتهاء الاسبوعين رجعت زى الاول بدون mabthera الغالى.
-النايب كان هيتجنن وحكى للاستاف اللى طلبوا من الدكتورة النابغة دى تيجى وتوضح ايه اللى حصل ويسجلوها case report.
-ببساطة ياسادة دى حالة بتيجى كل 10 مليون او اكثر .
-سببها ال giardia lamblia لها اثر عكسى غريب ونادر اوووووووووووى اسمه extraintestinal manifestation بسبب انها فى الحالات دى بتطلع toxic metabolites مواد ضارة ممكن تعمل حساسية عادية او التهاب مفاصل او الاخطر بقى اللى فى حالتنا وهى التاثير على العين ومميز فيها التهاب اوعية الشبكية الدقيقة retinal arteritis اللى بيعمل تسريب شبكية ويدى منظر البطش البنى مع التهاب شديد فى العين.
-علاجها الاصلى و الفلاجيل اسبوعين ومهما خدت ادوية من غيره ولا كان حاجة حصلت اصلا.
-تصفيق حاد مستحق.

حالة صعبة بس هتقابلها ان شاء الله :) MoDy 3 أو اسمه الجديد HNF4 A

القصة دى قصة مريض سكرى بس مختلفة شوية ..لا بصراحة مختلفة خالص وهتلاقى نفسك قابلتها وما اخدتش بالك منها وبقيت بقابلها في اعمار غريبة حاليا بس ماباليد حيلة بنشخص بالاستبعاد للاسف.
شاب عنده 25سنة فى كامل صحته ابتدا يشتكى من زيادة تبول ونشفان ريق .
فى الاول ابتدا يتجاهل الموضوع بس بعد شوية الموضوع زاد عن حده فى التبول فراح لطبيب مسالك بولية.
الدكتور طلبله بول وصايم وفاطر وتراكمى.
الصايم طلع 95 مجم. والفاطر 160 مجم والتراكمى 5.5 وطلع فى سكر فى البول درجته عالية 3 بلس.
الدكتور طمنه وقاله انك عندك سكر فى البول فقط ودا نوع وراثى وحميد ومافيش منه خوف innocent renal glucosuria ..
طيب هاخد ايه حضرتك...مش هتاخد حاجة الا لو الموضوع قلب بالتهابات مجرى بول او اى مضاعفات ودا مستبعد طلع الموضوع من دماغك وانساه.
..الشاب سمع كلام الطبيب وابتدا يتجاهل الموضوع جداا.
..تعقيب الدكتور هنا ماقالش لمريضه انه مرحلة ماقبل السكر impaired glucose tolerance لانه الطبيعى الفاطر اقل من 140 مجم ومابين 140 و199 مريضك فى مرحلة ماقبل السكر وعرضة للاصابة بالسكرى وعشان كدا بفضل اعيد وازيد فى ارقام تشخيص السكرى لحد ما كل الناس تعرفها ان شاء الله.
..بعد كام شهر بدا الشاب يعانى من تنميل وشكشكة فى ايده ورجله وشد عضل متكرر.
راح لدكتور اعصاب شخصه التهاب اعصاب طرفية .
وطلب سكر صايم وفاطر واراكمى تانى والعيان عمل تحليل بول من نفسه.
الصايم طلع 98 مجم والفاطر 190 مجم والتراكمى 5.8 مجم.
انت فى مرحلة ماقبل السكر ياابنى تابع مع طببب سكرى.
راح لطبيب سكرى طلب منه يخس وهو اصلا كان رفيع بشكل ملحوظ وينظم اكله واداله جلوكوفاج 500مجم مع الغدا مع فيتامينات للاعصاب ودوا لالم الاعصاب الطرفيه اداله lyrica 75mg قرص مساءا فقط لمدة اسبوعين.
الولد بدا يتحسن اوى وظبط سكره.
وبعدين نسى الموضوع وكمل على جلوكوفاج 500 مجم ووقف حتى ادوية الاعصاب.
..بعد فترة طويلة اكتر من سنة رجع للولد زيادة تبول رهيبة ونشفان ريق بشكل كبير وبدا وزنه بخس اكنر على الرغم ان شهيته مفتوحة جدا ..وعينه مزغللة علطول لدرجة انه راح لطبيب رمد اللى عمله فحص لعينه وقاله محتاج نضارة وقيس سكرك وكتبله صايم وفاطر وتراكمى.
..عملهم طلع الصايم 105 مجم والفاطر 220 مجم والتراكمى 5.8 وفى سكر فى البول .
ايه دا....راح لطبيب سكرى متخصص شكك فى نتايج المعمل .
طلب اعادة ليه طلع نفس الارقام تقريبا والتراكمى كمان طلع 6 فى المية .
قاله انا برضه شاكك فى النتايج دى فى رقم مشخص سكر اللى هو الفاطر ورقمين ماقبل السكر ودا شئ غريب.
ساله عن اعراض السكر تقريبا موجودة بمضاعفات شبكية كمان حالية وحكاله على موضوع التهاب الاعصاب القديم.
عندك حد سكر فى العيلة ...اه يادكتور ابويا كان نوع تانى ومشى على اقراص وانسولين فيما بعد وجدى لابويا جاله على كبر بعد ال45 سنة وما كنش ماشى على علاج وظبطه بالاكل.
طلب منه تحليل تحميل جلوكوز 75gm oral glucose tolerance test وقاس الصايم وبعد الاكل بساعتين ..
طلعت ارقام عجيبة الصايم 110 والفاطر 230 مجم.
قاله انت حالتك غريبة شوية مؤقتا هنمشى على نظام غذائى ونزود الميتفورمين ل 1000 مجم بدال 500 مجم.
وهنطلب تحاليل توضحلنا السبب.
طلبله تحليل كفاءة بنكرياس c.peptide وتحليل معاوقة انسولين homa IR مفاجاة طلعوا طبيعين.
وابتدا سكر الولد يزيد حتى الصايم حتى مع زيادة جرعة الجلوكوفاج 2000 مجم واعطاء ادوية فم اخرى زى DDP4 ماجبتش نتيجة.

...

قرر يقلبه انسولين مشاه على جرعات صغيرة ابتدا يدخل هبوط وارتفاع تذبذب رهيب .
فى اثناء دا رجله ورمت وعينه بدات تورم وحاسس بصداع قسله ضغط طلع اعلى من الطبيعى وعمله وظائف كلى وزلال دقيق بالبول طلع الوظائف كويسة والزلال عالى A/C اعلى من 30 فى تحليلين متتاليين بدون وجود التهاب مجرىبول فمشاه على ACE inhibitors اداه tritace 2.5 mg مرة يوميا ابتدا يتحسن جدا معاها.
..الولد ياس فى تشخيص وبدا يهمل علاجه.
راح لدكتور تانى صغير سمع عنه فى مجال السكر بيحب تشخيص الحاجات الغريبة بالملف الكبير بتاعه.
..تنويه الدكتور مش انا خالص اتفقنا عشان خاطر ربنا ههههه.
...المهم راح بالملف الكبير دا.
الدكتور بكل هدوء قراءه وساله سؤال غريب جداا ...
مامتك ماقالتلكش انك كان حجمك كبير فى الولادة او اتحجزت فى حضانة بهبوط سكرى.
قاله ما اعرفش بااستنكار.
ماعلش كلمها واسالها ضرورى.
كلمهت قالتله لا.
قفل الدكتور الملف الكبير وقاله شوف بقى انت عندك حالة جينية نادرة فى 1 الى 2 فى المية بيحصل خلل فى خلايا البنكرياس المفرزةللانسولين.
..انتوا فى حضرة MoDy 3 او mature onset diabetes of young type 3 او تسميته الجديدة HNF4 A.
..دا خلل جينى يتورث بصفة سائدة autosomal dominant فى عاما اسمه hepatocellular nuclear factor 4 alpha وبالتالى قنوات البوتاسيوم على خلايا بيتا مابتفغلش كويس ولا قنوات الكالسيوم بتفتح كويس فبتاثر على افراز اﻷنسولين.
بيحصل بالتدريج والفاطر بيتاثر الاول وبيبقى معاها سكر فى البول على ارقام قليلة low renal threshold .
وكمان بيشبه mody 1 اوى فرق بينهم mody 1 مافيش low renal threshold وبيتولدوا بوزن كبير وسكر منخفض.
اثباته وتشخيصه بالاستبعاد لانه بيتعمله تحليل جينى غالى ومش متاح عندنا.
الحل فى البداية تنظيم اكل وبعد كدا حاجة غريبة.
حاجة بتلعب على defect خلايا بيتا وهى sulphonyl urea.
احتاج قرص اماريل 2 مجم ظبطله الدنيا glimepride.
بعد فترة طويلة ممكن يحتاجوا انسولين.
ولو حصل فى طفل صغير ادى sulphonyl urea بربع جرعة البالغين يعنى 0.5 مجم.
حالة صعبة بس هتقابلها ان شاء الله.

اللعبة قلبت جد..:(

بنوتة جميلة عمرها حوالى 18 سنة جاية استقبال السموم بتشتكى من ترجيع متكرر ومغص شديد في البطن
بسرعة قمت ابص عليها و البنت مفيش نبض ومفيش ضغط الدم ، وباخد history البنت واخدة قرص غلة (أقراص بتستخدم لقتل الفئران )
بسرعة ابتدينا شغل مع الحالة وعلقنا محاليل وركبنا رايل وعملنا غسيل معدة ووفرنا مكان عشان ننقلها العناية المركزة وفى طريقنا للعناية كانت البنت مستغربة اللى احنا بنعمله ومندهشة من رد فعلنا فى التعامل معاها وفى الحقيقة انا كنت مستغربة انطباعها ده لحد ماسألتنى السؤال اللى فسرلى الدهشة دى والسؤال اللى وقفت عنده ومابقيتش عارفة ارد اقولها ايه ؟؟؟؟
وكان السؤال : هو انا هموت يا دكتورة ؟؟
وقفت مش عارفة اقول ايه ؟؟؟ وبسرعة جدااا قبل ماافكر فى الاجابة كملت البنت السؤال بجملة كانت اصعب من السؤال نفسه " انا مش عاوزة اموت يا دكتورة انا مااعرفش ان القرص ده بيموت انا واحدة صحبتى نصحتنى بيه وقالتلى هتروحى المستشفى وهيهتموا بيكى وهيعملولك رسم قلب كتير وتطلبى من اهلك اللى انت عاوزاه " قالت الكلام ده حرفيا !!!! وتركتنى البنت مابين حيرة وصدمة شديدة بين الحالة نفسها والتعامل معها طبيا وبين الصدمة من نصيحة الصديقة وبين رد فعل البنت اللى نفذت الفكرة وبدون تفكير وبين صدمة الأهل فى كلام بنتهم ..؟؟!!
تم نقل الحالة الى العناية وتم التعامل معها ووضعها على جهاز المونيتور واعطاؤها الأدوية المحفزة لعمل القلب وتم عمل الموجات الصوتية على القلب وكانت كفاءة القلب ضعيفة جدا والبنت امامى بتدهور حالتها وتتجه نحو الموت ومازالت تبكى وترفض فكرة الموت
تراكمت الافكار وتزاحمت المشاعر بداخلى مابين مايمكن عمله للحالة ومابين دعائى لها ان تنجو ومابين نصيحتى لها بالاستغفار وذكر الله ومابين ذهولى الشديد من رد فعلها
واستمرت الحالة فى التدهور الى ان توقف القلب وعملنا CPR ولكن للاسف دون جدوى
اتوفت البنت خلاص واللعبة قلبت جد ......
والحالة دى علمتنى ان علاقة الاهل بأولادهم ممكن توصلهم لأنهم يخسروهم وان التربية السليمة القائمة على الدين القويم وحسن المعاملة ممكن تنقذهم وتغير حياتهم ....
طبعا لا مجال لكلمة لو .....
بس البنت دى لو كانت عرفت تتفاهم مع اهلها وتوصل معاهم لحل ، ماكانتش لجأت لصاحبتها اللى نصحتها بالنصيحة دى
الحالة دى فيها معانى و دروس مستفادة كتير اوى بس اكتر حاجة عاوزة اقولهالكم هى ان التربية هى الأساس ..
قربوا من ولادكم .. قربوهم منكم .. خلوهم يلجأوا ليكم بدل مايروحوا يطلبوا النصيحة من حد برة .. عرفوهم دينهم الصح .. أحسنوا إليهم .....
د. ريهام صبحى

بس في درس أهم اتعلمته ... زميلك ممكن يساعدك وكمان يساعد نفسه ... وممكن يبقى ألد اعداءك ويؤذيك ويمكن يؤذي نفسه ...

في عام ٢٠٠٣ كنت اخصائي جراحة بالسعودي الألماني كان عندي مريض عقيد او عميد طيار .. وكان عنده lipoma في قفاه... وطبعا خبرتي وقتها محدودة .. عملتها ومشيت الدنيا كويس اول يوم فكيت الدرنقة و طلب مني يغير في القصيم بعيد عني وييجي في ميعاد فك الغرز بعد عشرة ايام هي كانت تجميل بس عادي المفروض اشوفه...
قلت له مافيش مانع
غاب ورجع في ميعاده وقال لي الآتي ...
الجرح تعبني ورحت المستشفى العسكري هناك .. وقابلت استشاري باكستاني .. مش حاضرني الاسم ... شاف الجرح وقال لي ماشاء الله الجراح اللي عملك العملية ممتااااز .. والجرح رائع .. بس محتاج انك تراجعه علشان في حتة صغيرة محتاجة تنظيف ... وما فيش افضل من الجراح الاول .. بس تحت امرك لو حبيت هنا
واضاف ..
طبعا انا باثق في سيادتك ثقة عمياء
قمت ابص على الجرح ... ويا لهول ما رأيت
Gangrene of all the line and
geographic shape area .. with seroma large one ...
طبعا تماسكت ... وقلت له بثقة ...
زميل محترم جدا ... بس انا محتاج انظف الجرح وافضل انك تاخد مخدر عام ... طبعا لو حبيت
كان لازم اعمل local flap .. advancement flap
وافق ببساطة .. وعملتها
واتعلمت الدرس الطبي .. seroma can cause severe necrosis even in well vascluaraized area
Tough hard lipoma usually cause seroma especially with over use diathermy
بس في درس أهم اتعلمته ... زميلك ممكن يساعدك وكمان يساعد نفسه ... وممكن يبقى ألد اعداءك ويؤذيك ويمكن يؤذي نفسه ...
بس الاحترام لا بيتباع ولا بيشترى ... بنتولد بيه والبيئة بتنميه ...
نصيحة لكل الاطباء ... هتترد لك يوم ...
تعلمت الدرس ... ونفذته ... ورايت أثره بعيني في كثير من أحوالي ...
واليوم اذكره لكم ... لتعلموه ... وتثقوا فيه
خليك محترم ... وثق ان الرزاق هو الله ...
#منقول

الأعراض النفسية لما قبل الغيبوبة السكرية 😃

الموضوع ده يهم الناس كلها ..مش بس الأطباء والصيادلة بل مهم أن الناس كلها يبقي عندها وعي بيه..مش بس مرضي السكر وقرايبهم. .لأن أول معلومة وأخطر معلومة هنقولها. إن غيبوبة نقص السكر ممكن تحصل في واحد عادي جدا مبيتعالجش من أي حاجة. .ولو متلحقش ممكن يموت
....
العلامات المشهورة اللي كلنا عارفينها لنقص السكر
إنه يعرق ويحس بضربات قلبه أو زي ما بيقولك حاسس بهبوط..وفي الحالة دي كل الناس حواليه هيدلوه ميه بسكر وده طبعا تصرف سليم
....
واحد تاني هيقولك أنا حاسس إني بموت
واحد تالت هيجي بتشنجات
واحد رابع هيجي كأنه عنده جلطة في المخ
كل دي حجات مشهورة لنقص السكر
نيجي بقي للاعراض النفسية
لو هنقولها في جملة واحدة يبقي
From mild apathy to sever mania
مرورا بال schizophrenia وال anxiety وال depression وال irritability
أما تفصيلا. .فكل حاجة حكي عنها قصة حصلت معايا أو مع حد أعرفه أو علمهالنا د الألفي
..
رجل أعمال وشخصية كبيرة. .وهو راكب العربية مع السواق بتاعه خلاه يقف عند كافيتريا. .نزل قعد يعمل تصرفات غريبه وكل اللي يشوفه يقول ده ممسوس أو اتجنن. .لحد ما حد ابن حلال جاب له كوباية عصير وهداه. .أول ما فاق قال إيه اللي انا عملته ده ؟وخاف علي نفسه ليكون فعلا اتجنن. .وده راجل راس ماله كله عقله. ..جه للدكتور الألفي عيادته عشان يطمن علي نفسه. .من الهستوري كان اللي حصل انه خد جرعة الأنسولين بتاعته ومكلش بعدها كويس
..
راجل فران بيروح كل يوم من شغله بالعجله ..بقاله فترة كل يوم وهو مروح يتوه عن بيته وميعرفش يوصل. .طلع بردو hypoglycemia
..
راجل جزار طول عمره محترم وكسيب مرة واحدة عمال يشتم بألفاظ بذيئه وعمل urination علي نفسه واخواته جايبينه مكتفينه لدكتور نفسي عشان يديله حقنه مهدئه ..ولأنه راجل فاهم أول حاجة عملها قاس له السكر لقاه hypoglycemia
تخيل لو كان اداله حقنه تهديه. .كان هداه للأبد
الرسالة هنا. .الراجل ده مفيش حد متعاطف معاه لأن محدش فاهم إيه اللي بيحصل. .وبدل ما الناس تجيب له عصير زي الاولاني كان ممكن يضربوه أو يشتموه
..
شاب معندوش أي أمراض جايبينه الاستقبال عمال يعيط و irritable. .واحد زميلنا في سنة 6 طب من اللي بيحضروا مع د الألفي قالهم طب نقيس السكر يا جماعه طلع hypoglycemia
...
د الألفي نبهنا علي معلومة خصوصا لزمايلنا بتوع النفسية ياخدوا بالهم منها
ممكن العيان ده يتشخص غلط علي أنه مرض نفسي ويتعالج سنين علي كده ..الخطورة في الموضوع مش انه عمال يصرف فلوس ع الفاضي وياخد Side effects بتاعة الأدوية وال stigma بتاعة المرض النفسي. .بل الأخطر. .إن علي المدي الطويل ودخوله المتكرر في hypoglycemia بيعمل damage لل brain. .يعني بعد شوية تلاقي lesion ..تخدعك أنها حاجة في ال brain وهي في الحقيقة complications
..
آخر حاجة في البوست ده وكان مفاجأة بالنسبة لي. ..إن ال hypoglycemia بتيجي كتير في الأطفال وبصور أغرب من الكبار. .وللأسف محدش بيبقي حاططها في دماغه
أغرب حاجة قرأتها. .بيقولك لو بيجي للطفل recurrent respiratory infection فكر في hypoglycemia!
طبعا لسه فيه قصص كتير إن شاء الله هحكيها في بوستات تانية. .وياريت اللي عنده مواقف مشابهة يحكيها لنا في التعليقات وهحاول اجمعها
#درر_من_مرور_دالألفي

headache د/ محمود وفا

#clincal_sense (headache )
الأسطورة بتقول قيس الضغط لو عالي أو واطي يبقي ده سبب الصداع ..مظبوط اعمل تحليل انيميا مظبوط ابعته رمد وأنف وأذن
العلم بيقول
The most important therapeutic intervention is confident reassurance about the absence of serious underlying neurologic disease
بمعني أصح استبعد أن مفيش حجات خطيرة ..وبعدين طمنه واديله حباية بانادول
..
ال Algorithm ده نفس اللي موجود في ماكلويد مع شوية إضافات وتعديلات
..
انت بتستبعد الأول ال Red flags ودي نوعين ..
نوع أمراض بتموت في الحال (نزيف في المخ مثلا )..ودي أول حاجة بتستبعدها (Emergency )
وأمراض بتموت بعد فترة (سرطان مثلا )ودي تاني حاجة بتستبعدها (clinic )حالة عيادة يعني لكن خطير
بعد ما تعمل كده ..تبدأ تفكر وتشوف الأعراض اللي عنده إيه حسب الأشهر وحسب الأعراض اللي موجودة..حاجة مثلا زي العين ..أه ممكن يكون نظره ضعيف فابعته لدكتور رمد ..وممكن يكون اللى عنده eye strain. .فهفهمه ميجهدش عينه ..وممكن اللي عنده Acute Glaucoma فهخلي يطلع يجرى ع طواريء الرمد وممكن اللي عنده temporal arteritis فهخليه يجري على طواريء الباطنة ...هو ده الطب والحكمة ..مش روح اكشف رمد !
للأسف يشوف ناس هو مش عاوز يتعب نفسه مع المريض ويسأله فيزحلقه ع الرمد والأنف وأذن
وبعدين إيه انيميا ده كمان ؟ممكن يكلف عيان تحليل دم واللي عنده أصلا tension type headache..والأجمل بقي أن ممكن المريض يطلع عنده انيميا بسيطة وصاحبنا يلاقيها شماعة يعلق عليها تشخيصه
تصدق انا قرأت 3 كتب من أكتر الكتب المحترمة محدش فيهم جاب سيرة الأنيميا؟ولا حتى الضغط
جايز نلاقي كتب كتباها. .بس ده هيبقي مكانها تحت خالص مع ال Other causes اللي كاتبها تحت دي ..واللي فيه كتير جدا مكتبتوش
لكن انك تخليه واحدة من أهم 5 أسباب الناس بتحفظها فده عك مش موجود غير في مصر
أما الضغط ..هو في عيان هتكشف عليه مش هتقيس له الضغط ؟
..
الناس اللي بتفهم لو هتحفظك أهم 5 أسباب للضغط هتقولك اوعي تنسي ال Meningitis واوعي تنسي ال SAH واوعي تنسي temporal arteritis. .واوعي تنسي الجلوكوما وال cancer
..
لو أتعلمت الكلام ده سواء ك otc أو حتي باطنة ممكن تحس أن مفيش فرق كبير اوى بينك وبين اللي ماشي بالدراع يمكن في 99 في المية من الحالات وهتلاقي أنكم انتم الاتنين في الآخر بتدوا للمريض حباية مسكن ..بس لما في يوم يقع في ايدك حالة من ال 1% وتنقذ حياة مريض هتعرف إنه (لا يستوي الذين يعلمون والذين لا يعلمون )وزي ما د حسام موافي بيقول ..انت بقيت دكتور علشان الحالات النادرة دي ..أما ال common فالناس كلها عارفاه
headache د محمود وفا

Diabetic emergencies. د/الألفي

بنت 17 سنة معندهاش سكر جالها دور برد ..بعد 3 أيام بقت DLC ..ودخلت الرعاية ك DKA
بعد شوية بدأ يظهر معاها Redeye ثم partial ptosis ثم complete ptosis وبعدين فقدت ال sensation في ال left side of the face وبعدين mouth deviation وبعدين hearing loss
يعني multiple cranial nerve affection ..د الألفي اتلبغ بيها بالتليفون. .قال دى Mucormycosis وده aggressive diseases ومحتاج aggressive ttt و urgent ENT consultation. .وبالفعل دكاترة ال ENT اتدخلوا وكان فيه mass في middle ear هي اللي ضاغطه وعاملة كده
الحالة مشوفنهاش لانها في الرعاية لكن د الألفي حب يقولنا عليها علشان نبقي oriented بيها
وقال لنا لما بنسمع diabetic emergency كلنا بنفكر في DKA أو hypoglycemia. .لكن فيه حاجة خطيرة من ال diabetic emergency اسمها infection. .ده أحد الصور بتاعتها وممكن تيجي في أي مكان
هختم بالكلمة دي من medscape يتبين قد إيه هو aggressive disease
Patient survival from
mucormycosis requires rapid diagnosis and aggressive coordinated medical and surgical therapy
يعني من الاخر دكاترة باطنة صاحية تشخص بسرعة ودكاتره جراحه دمها حامي تتدخل بسرعة لو أي طرف فيهم اتلكع شوية العيان هيموت

...

بطل حدوتة النهاردة طفل عنده ٣ سنين من يومين تلاتة جاله دور تعب شديد ..شوية و ظهرت معاه نزلة معوية (قئ متكرر و اسهال و غيره)😔😔.. بنحاول نعوض بس مش راضي ياخد اي حاجة عن طريق الفم وعشان خايفين عليه من الجفاف نقرر نوديه المستشفي نعوضه بالمحاليل و ندى دواء لوقف القئ..
القئ فعلا يقف و ياخد محلوله المتين يبقي فلة شمعة منورة😉🙂 و نروحه من الاستقبال وشوية و يرجع لنا في نفس الشفت تاني و أمه شايلاه بتجري و مرعوبة انه فقد الوعي و اتشنج و الفم مقفول تماما.. ياتري ايه اللي حصل؟؟😮😮
اللي حصل للطفل ده اسمه العلمي extrapyramidal syndrome.. حالة مش بتحصل بشكل متكرر في العموم و بتحصل كرد فعل غير طبيعي من الجسم تجاه بعض الأدوية ولبعض الأشخاص مش كل الناس.
في حالتنا دي الطفل اخد حقنة برمبران او metoclopromide.. أشهر حقن القئ على مر العصور (البريمو 😊) عمر ماحد سمع عنها حاجة زمان.. بس لاحظوا في السنوات الاخيرة ان زاد معدل حدوث حالات شبيهة مع الدوا ده..
👈طيب ايه الشكل اللي ممكن اشوف الطفل ده بيه؟؟
ال extrapyramidal symptoms بتشمل أشكال كتيرة جداااا بس لاحظنا انها في الأطفال بتكون غالبا نوعين حاجة اسمها akathesia و حاجة اسمها dystonia..
🏃‍♂️الakasethia : عبارة عن طفل مش قاعد على بعضه بين قوسين sense of restlessness.. كل شوية يقف ..يمشي في الشقة ..يطلع البلكونة ..يقعد و يقوم.. لقوا ان فيه حركات معينة بتهديه زي انه يتمشى في الشقة لغاية مايتعب جدا و ينام.. او انه يفرك وشه بحركات دائرية... وغالبا الأعراض دي بتتفسر غلط انه طفل حركي او تشتت انتباه او غيره لغاية ماحد بن حلال يسمع الهيستوري بتاعه كويس.
🤦‍♂️النوع التاني ال dystonia عبارة عن مزيج بين نوبة الصرع و الالتهاب السحائي.. الجسم كله مشدد جدا بيتنفض .. عينه مقلوبة.. اللسان طالع لبره.. الرقبة مشدودة جدا و ممكن في اتجاه معين.. الفك مقفول تماما و اي محاولة منك لفتحه تزيد شدته اكتر.. او ان الجسم كله ياخد شكل منحني اللي بنسميه Opisthotonus position.
👈هيا مالها سقعت كده ليه؟؟؟ 🧐😄
مع ان حالات الاطفال دي بتربك اوي اي طبيب استقبال اول ماتوصل الا ان الخبر الحلو انها من افضل الحالات في التحسن في خلال 6 ساعات من بداية علاج صح و مزبوط..
👩‍⚕️ايه بقي العلاج؟🤔🤔🤔
عيني علي مجري التنفس ده رفم واحد عشان احميه .. فتحته و اتاكدت انه تمام ابدأ ادي علاجي .العلاج هيبقي مهدئ زي benzodiazepine سم مخفف بسم مخفف علي فترات و عيني عليه و ارجع افحص درجة التخشب في العضلا ت تاني .. طيب وبعدين هاحجزه علي تلت حاجات ماتنسهاش ابدا .. محاليل كويسة جدا good fluid hydration و مادة benzotropine و مضاد التسمم diphenhydramine. بجرعات طبعا الطبيب اللي بيحسبها ... مع مرور الوفت هيستجيب لغاية مايرجع طبيعي تماما.
👈طب هوه ده الدواء الوحيد اللي ممكن تحصل معاه ظاهرة زي دي؟
لا دول شلة كبيرة و مع الوقت بينضملها ناس جديدة بس علي راسهم التخدير الكلي زي البروبوفول و ادوية النفسية.. طيب هوه الطفل الصغير ده هياخد دواء نفسي ليه عشان حاجة من اتنين شكوي نفسية فعلا متعلقة بالسلوك او غيره او طفل عنده مشكلة التبول اللاارادي و مع اول جرعة من وصف resperidone يدخل في الحالة دي و ساعتها نغير تماما خطة علاجنا.
👈طيب و البرمبران العظيم خلاص كده راحت عليه؟
https://m.facebook.com/story.php?story_fbid=10157109455071123&id=587696122

Language: English