@MarwaMahmoud364

مروة محمود

إزاي أقول لحد إنه غلطان بدون ما أنا أغلط أو أسلوبي يكون سيء ???

بيكون في كلام ولا اسلوب ولا موقف حصل ولا ايه ؟ ?

كل اللي ذكرتيه دا موقف أو أسلوب أو كلام :"(((

بصي هو في حاجة موجودة في أغلب المصريين انهم مش بيحبوا حد يقولهم انهم غلطانين.. بالتالي في اشخاص مش هتتقبل انك تقوليلها : انت غلطان في كذا لأنهم غالبا بيعتبروها هجوم .. لو حد قريب منك هيتقبل عادي.. لكن لو بعيد ف جيبيها بشكل نصيحة.. واهم حاجة تاخدي بالك من 3 حاجات :
1- ميبقاش قدام الناس
2- اختاري الوقت صح.. لو الشخص دا متعصب أو كدا استني يهدى
3- اسلوب الكلام.. خليه هادي ولبق يعني انتي الهدف انك تصححي لشخص خطأ عمله او تنبهيه عليه لكن مش الهدف انك تثبتيله انه غلطان

^^^^^

دا شيء بيتكرر كتير فعلا خصوصا لما يكون في طرف خايف يحرج التاني.. بس فعلا دا هيضايقك كتير اوي اوي منهم ومش هيكونوا فاهمين ليه..
ابدأي لما يعملوا كدا لو بتضحكي متضحكيش وقوليلهم انك مش بتحبي دا أو ان دا بيضايقك بكل وضوح وبراحة متبقيش كإنك بتتخانقي معاهم و خليكي واثقة في نفسك ف ميحسوش انك هتعيطي او كدا..
المفروض ان بعدها ياخدوا بالهم جدًا إنهم ميعملوش دا.. و عموما لو كرروا دا بردو وضحي انك اتضايقتي..
خليكي دايما واثقة من نفسك وطول ما حد بيجي عليكي متتكسفيش ولا تتحرجي تقولي حتى لو قريبين اوي
انا سواء حد قريب او بعيد مجرد ما بعرف ان في تصرف بيضايقه باخد بالي اني معملهوش علشان مبقاش سبب ان حد يضايق ومع القريبين اكتر.. ( لاصحابي : باستثناء الرد على الرسايل فعلا بحاول بس مش بعرف ارد بسرعة ? )

Language: English