@Advice_0_ME

صديق القطر

&&&ممكن حضرتك تجاوب هنا

خلينا نفكر واحدة واحدة وبلاش ننط مرة واحدة لفكرة اتجوزه ولا لأ :D
بالنسبة لخطيبته السابقة ... وع حسب كلامه انه فعلا نسي حبه ليها
وهنا بأكد انه يكون نسي الحب نفسه لان فكرة انه ينسي الحالة او المشاعر القديمة دي بتبقي صعبة يعني زي ما بيقولوا بتبقي ليها رواسب برده جواه مبيقدرش ينساهاه غير لما يخوض تجربة جديدة
وع حسب كلامه برده هو واضح مش لسة متذكر حبه للشخصية نفسها لانه لما قالك هو كان بيحب يشوفها وبتوحشه وبيحب مثلا كلامها واهتمامهم ببعض وهكذا فده اشتياق فعلا للحالة نفسها مش للشخصية
والا لو كان متعلق بالشخص نفسه كان قال مثلا حبيت فيها نجاحها طموحها او عقلها وهكذا
فخلينا نحيد فكرة انه ممكن يكون لسة بيحن ليها كشخص وصعب يحب غيرها يعني
الموضوع ع فكرة مش سهل
وصعوبته بتيجي من خوفي ليكون ده مش حب
بمعني ان حب حقيقي بيبقي بين طرفين فيه تعامل وتواصل ما بينهم .. علاقة فيها عطاء ما بين الطرفين وقناعات وصعوبات بتواجهنا ومشاكل بنحلها مع بعض ونعرف منها مدي حبنا للطرف الاخر
انا مش باتفه من احساسك بس اللي ممكن يتقال علي حالتك وهو شعور مشهور للاسف عند كتير من البنات هو احساس بالافتتان او بالانجذاب العاطفي او التعلق بشخص معروف او قريب مفيش تواصل ما بينك وبينه مجرد سماع او مشاهدة ليه فبنحب الصفات اللي ظاهرالنا منه وخلاص وبنحب اسلوبه ف الكلام او سمعته الطيبة او نجاحه
يعني حب سببي لبعض الصفات فيه مش حب للشخص نفسه
وف الاغلب ده بيكون سبب حبنا لحالة الحب والشوق فبنعجب باي شخص ناجح وجميل بيقابلنا
واللي هايوضح ماهية ومدي صدق المشاعر دي تجاه بالمعيد بتاعك هو لما ممكن ينتهي او يقل كتير لو حصل مثلا والمعيد ده السنة الجاية اتنقل او مبقاش يدرسلك او لما تبدأي تلفتي نظرك لشخص اخر وتحبي شخص فعلي فيه بينك وبينه تواصل وتعامل فتنشأ ما بينك وبينه علاقة عاطفية فرسمية
وصعوبته بتيجي برده من كونك بنت بتحبي شاب وهو مش حاسس بمشاعرك او مش عارفة ان كان حاسس بيكي ولا لأ وده بيحطك للاسف ف موقف لا تحسدي عليه بسبب ان البنت ف مجتمعنا (تبعا لقيمه واعرافه) صعب تكون هي المبادرة سواء بالمصارحة او انها تحاول تلفت نظره او حتي تحاول تستنبط او تعرف مشاعره ناحيته
والصعوبة التالتة انه مش جار او قريب مثلا ففيه اطراف (افراد يعني) مشتركة ما بينكم ممكن تخليني اتجرأ وانصحك تخلي حد من الاطراف المشتركة دي يلفت نظره ليكي
وانا معتقدش ان ممكن اقولك او انصحك انك تحاولي تلفتي نظره حتي ولا تستني مني ان اقولك كدا
والغريب ف الموضوع ان ده مأثر ع دراستك ومش عارف ليه ؟
هو التفكير فيه للدرجاي مؤلم مثلا ويضيع وقتك ولا المفروض انه احساس جميل ممكن يشجعك اكتر ان لو الامر كمل للنهاية وحس بيكي ممكن يتقدم وان طالما كدا المفروض عليكي تخلصي الكلية بسرعة عشان تبقي مستعدة للارتباط الرسمي
انتي مش ف ايدك حاجة تعمليها ولو جبتلك مشاكل كتير سابقة عن بنات ف مثل حالتك هاتبقي كتير للاسف ومن كترتها مفيش حد بيقدر يحدد المشاعر دي صادقة فعلا ولا مجرد بسبب الفراغ العاطفي وانها برده ف الغالب بتنتهي ف وقت من الاوقات وبتنتهي الاحاسيس دي
وفيها اللي البنت فيها اتجرأت واعترفت وبعد كدا خسرت ... وف بعض الحالات كسبت بس لما يكون الطرف الاخر فاهم وواعي ومحترم
-----------
A.M

&&&ممكن حضرتك تجاوب هنا

من متابعة واحدة للمشكلة بتاعتك وبتقولي انك تعبتيني ؟!!!
ابقي تعالي شوفي فيه ناس بتابع بالخمس مرات :D
عادي والله سواء حضرتك او غيرك فمفيش تعب ولا حاجة المهم ف الاخر نوصل لحل او شبه حل ع الاقل او اتفاق
الحل مش انك تبعدي عن الدنيا عشان خاطره ... انتي المفروض تعيشي حياتك عادي
سواء ف الكلية او ع الفيس ..... يعني كويس انك بتحاولي متقابلهوش صدفة حتي بس مش طول ما انتي ف الكلية تقعدي تقولي لنفسك انا مش عايزة اشوفه مش عايزة اشوفه .. لا خليكي طبيعتك ولو شوفتيه ولو صدفة مش محتاجاني اقولك خليها نظرة عابرة وقاومي نفسك وامشي من قدامه
وع الفيس اعمليله بلوك ...
اما لو كان الفيس اصلا بتاعك مش مهم اوي وعادي انك متدخليهوش فتمام خليكي قفلاه
انما مش عايزك تحسسي نفسك انك ف كورس مكثف لنسيانه .. اصلا هو هايتنسي مع الوقت واحدة واحدة
والصراع ف تفكيرك ده طبيعي انه يحصل
انتى محتاجة متقاوميش بقوة لانك كل اما بتقاومى كل اما بيكون رد فعل عقلك غير مرغوب فيه
فانتى ادي لنفسك الوقت انها تنسي بالمعدل الطبيعي واللي هو مش هايحصل بين يوم وليلة
بس ده مش معناه ان باقولك متحاوليش تنسي
لكن قصدي ان يكون طريقة انك تنسي دي مختلفة عن طريق ان كل اما يجي ع بالك ذكري حاولى لو تقدري يعني تفكري فيها بايجابية وتقنعى نفسك ولو بالكدب ان عليكي تعديها ومتفكريش فيها ومع الوقت هاتلاقي عقلك بينسي والذكريات اللي بتيجي علي بالك بتقل كتير جدا
ودايما وانتي بتفكري كل اما يجي ع بالك لازم تحرصي ع جمل معينة تقوليها لنفسك زي ان اصلا ممكن يكون ده مش حب
وان استحق حد يحس بيا هو مش انا اللي اعشم نفسي بحد ... وان طول ما انا ف الحالة دي وفاكراه باقلل من نفسي وفكري نفسك بالتأثير السلبي ع مذاكرتك طول ما هو لسة ف حياتك
وارجعى واقرى الانسر الاولاني عشان برده تحطى ف بالك وقدامك كل الكلام اللي انا قولته كل ما تلاقي نفسك بتضعف وبتحاول تزقك انك تدخل صفحته او تشوفه او تفكر فيه
واقري بعض الكلمات او النصايح دي اللي ذكرناها ف مشكلة سابقة تشبه كتير مشكلتك :
" اول مايجي ف بالك تعملي Turn off دوغري كده
وتفتكري ان خلاص العلاقة بينكم مستحيلة..وان مامضي فاات
اشغلي نفسك بحااجات تفيدددك ..اقري كتب القراءة عاالم تااني بيسحرك ويبعدك عن كل الضغط اللي ف حياتك..
زيدي قرب من ربنا : اشتغلي ع عبادتك شوفي مقصرة ف ايه وصلحيه ..زودي الطاعات ...نفسك ان لم تشغلها بالطاعة شغلتك بالمعصية
اتعرفي علي صحبة صالحة جديدة ..جاور السعيد تسعد
صلي رحمك ...وبري والديك واطلبي منهم يدعوولك ...اقعدي دايما معاهم متقعديش لوحدك وتنعزلي
حاولي تحطي هدف يعلوو قيمتك قدام نفسك ويزود ثقتك ف حاالك .!
حبي نفسك وعزي نفسك جدااا
انتي تقدرري
مش معقول ابداا هتضيعي ايام وشهور وسنين ف تفكير ف المااضي ..وتخليه يسرق ايامك بالتفكير فيه ..وف ناس تانية بتصنع امجااد وبتحقق اهداف ف الاوقات دي " ...
ومتنسيش تقري الانسر النموذجي ده لكيفية نسيان شخص
https://ask.fm/Advice_0_ME/answers/144059068489
--------------
A.M

بجد والله انا مش عارفه ارد أقول ايه بس انا حاسه اني ارتحت كتيير بكلامك ع الأقل دلوقتي بقيت عارفه هبدأ منين انا خلاص هشغل نفسي بحلمي انا دخلت طب علشان اكون دكتورة شاطره ادعيلي بالله عليكي لاني عارفه ان اللي حصل ده بسبب اني بقيت بحب العزله وإني دايماً مش بتعامل مع المجتمع الذكوري ف اكيد دا السبب شكراً

اسعدتيني يا دوك .. وربنا يسعدك ويوفقك ان شاء الله وتحققي هدفك
اسمه هدف مش حلم تمام ؟ :D
ف انتظار دكتورة المستقبل ان شاء الله ويافطتها تنور الشوارع
بس ابقي اعملي اول اسبوع لو سمحتي يعني الكشف مخفض :D
ربنا يكتبلك الخير
---------
A.M

😂😂هو دلوقتي هدف قبل كده كان حلم متقلقش انا مش بحب الفلوس وبكره اللي بيستغل حاجه الناس علشان يكسب الفلوس متنساش تدعيلي 😅😂 ربنا يصلح حالك ويحبك ويوفقك ويفرحك قريب إن شاء الله

انا عارف انك هاتعملي كدا
ومتأكد انك مش من ضمن الناس اللي بتنطبق عليهم الكلمات اللي بتقول ( كلهم بيقولوا كدا ف الاول والكلام الحلو بيتحول ) 😂
دعيلتك والله وهادعيلك تاني حاضر
ومتشكر جدا حدا ع دعواتك بتيجي ف وقتها الحمد لله
-----------
A.M

ياااااارب يهدينا 🌸 وشكراً ع الدعوه انت والله تستاهل كل خير كفايه انك تفضل تسمعني هقول ايه للآخر من غير زهق ربنا يجازيك خير

آمين يارب العالمين
جزانا الله واياكِ
----------
A.M

Language: English